STIRIA

STIRIA
Germaniae provincia, undique montibus cincta, hodie Stirmarch dicta, olim vero Valeria, in honorem Valeriae Diocletiani filiae, ut Marcellinus memoriae prodit; Eam quoque Volaterranus Iapidiam dictam putat l. 8. Geogr. Stiriam autem a Tauro dictam esse vix dubium est, cui opinioni subscribit etiam Aegid. Tschudus. Quados aliquando haec loca tenuisse ex eo emicat, quod Sext. Ruius scribit, sub Iulio, Marcomannos et Quados de locis Valeriae, quae sunt inter Danubium et Dravum fluv. pulsos esse. Est vero et haec regio olim Norici Mediterranei et Pannoniae superioris pars, versus muram et Dravum, et Illyrici provinciis annumeranda. Germaniae quoque posterius accessit, quamquam Stiriani hodie cultu et sermone Germani sunt, praeter Dravi accolas, qui Illyricâ utuntur linguâ, Terminatur haec regio, ab Ortu quidem, Hungariâ: a Meridie Carniolâ Carniaque ab Occidente ditione Salisburgensi et Carinthiâ: a Septentrione Austriâ, longitudin. habet ab occasu in Ortum milliar. Germanicor. 40. in latitud. autem extenditur a Meridie in Septentrionem ad milliara Germanica 22. cum dimidio. Fuit olim Marchionatus, ut etiam hodierna demonstrat eius Germanica appellatio, Stirmarch: postea ab Imperatore Friderico Barbarossa, in Ducatum mutata, tempore Ottocari Stiriae postremi Marchionis, ac primi Ducis, Austriis Ducibus accessit, quibus etiamnum paret. Distinguitur autem in superiorem Stiriam, ubi Murae fluvii divertigium; et Inferiorem, iuxta Dravi et Murae confluentes, quae Pannoniae secundae seu Hungariae proxima est. Refert Vadianus, quod superiori saeculô Viennae Austriae constans fama increbuerit, ardere in Stiria caepisse montem, quô pellectus maximn. Caesar. Augustus, nuntiis ad inquirendum missis, ita esse, ut ferebatur, compererit: haec vero accidisse verisimile est, circa A. C. 1520. quô tempore Vadianus haec videtur scripsisse. Est quoque in Stiria incolarum numerus haud exiguus strumis deformis, quae iu aliquibus tantae reperiuntur magnitudinis, ut loquelam non parum impediant, quas mulieres (ut commodius infantes lactent) ad humeros reiciunt, alioquin pectus seu ubera velaturas lactantibus: earum causam plerique dicunt aquam esse quae illic potatur. Natal. Metel. Fodinis ferrariis fere omnibus totius Europae regionibus praestat. Praeterea nullius rei, quae usui esse homini potest indiga, vini, frumenti, pecoris, salis abundans. Ei etiam unitus est Comitatus Cilleiensis. Obtigit regio haec, cum Carinthia et Carniola, Carolo, filio minori Ferdinandi I. fratri Maximil. II. et Ferdinandi, qui Tirolim et anteriores ditiones nactus est. Ita Carolus hic, Styriae seu Graeciensis lineae auctor, cum in Stiria Statibus Religionis exercitium concessislet, illud postea A. C. 1580. abrogare conatus est, sed Satuum intercessione consilium mutavit: Obiit A. C. 1590.
aetat. 50. Pater inter alios Ferdinandi II. Viennensis lineae Auctoris, postea Imperatoris electi, et Leopoldi, a quo Aenipontana linea initium sumpsit. De Viennensi linea, vide in Vienna. Leopoldus, Episcopus prim um Argentinensis et Passaviensis, dein Claudiae Mediceae maritus, genuit Claram Isabellam Caroli Mantuae uxorem, Mariam Leopoldinam, quae Ferdinando III. nupsit, Ferdinandum Carolum et Sigismundum Franciscum, qui ambo sine prole mascula decessêre: successione ad Leopoldum I. Imperatorem ex linea Viennen si devolutâ. Ferdinandus Archidux, de quo supra, Caroli Fil. a Iesuits excitatus, suis Augustanae Confessionis a Patre permissum exercitium ademit: Pastores ac alios dissentientes, Ordinibus privilegia frustra obtendentibus, monstrantibusque, se idecirco patri eius Carolo vicies ceutena aureorum cIo. mutuo dedisse,
accessisseque ab eo tempore Ioccc. flor. Rhenensium cIo. e ditionibus suis expulit. Ioh. Hofmanni, nobilissimi Viri tum non solum arx direpta, sed et templum pulvere nitratô eversum, cadaverumque ossa disiecta sunt, Graecii quoque corpus Vilhelmi Zimmermanni, qui magnâ nominis famâ Pastoris ibi munere defunctus fuerat, refossum et in fluvium Muram, urbi vicmum, proiectum est. A. C. 1598. 1600. Vide Thuan. l. Hist. 124. Lud. Lucium Hist. Iesuit. l. 4. c. 7. etc. Addo saltem, quod provinciam hanc a Savorgnanis, Italicae gentis Dynastis, Ducum titulô aliquando habitam, emit Leopoldus Victoriosus Austriae Dux, ex Babebergensi stirpe (defunctus A. C. 1132.) a genero Sigismundo (Ottocarum alii vocant) inopiâ adacto, quam in gente Stiriae, Carinthiae, Tyroli et Goriziae, hactenus imperante, multae partitiones, ut solet, effecerant. Postea deficiente priscâ Austriacorum familiâ, uxoris nomine sibi Ottocarus Bohemus asseruit, qui illam Imperio restituere iussus, cum parere detrectaret, invitus relinquere adactus est, impar armis, quae hanc ob causam ipsi Rudolfus, iubente Ordinum Im perii Senatu, intulerat: eôque devictô Stiriam filio Alberto una cum Austria atque Carinthia pater Rudolfus addixit. Tob. Pfannerus de praec. Germaniae Principp. gentibus c. 1. Stiriae Urbes: Cilleium, Cilley. Graecium, Gratz. Iudenburgum, Iudenburg. Marcpurgum, Marcpourg. Poetovium, Petaw. Pons ad Muram, Pruck am Muer. Rachelsburgum, Rakelsbourg.

Hofmann J. Lexicon universale. 1698.

Look at other dictionaries:

  • Stirĭa — (a. Geogr.), 1) Flecken in Attika, südöstlich von Brauron, beim jetzigen Porto Rafti; 2) Insel im Mittelmeer, an der Westküste von Cypros …   Pierer's Universal-Lexikon

  • Stiria — Steiermark ted …   Sinonimi e Contrari. Terza edizione

  • stiria — …   Useful english dictionary

  • STEREA vel STIRIA — STEREA, vel STIRIA vicus Atticus in tribu Pandionide, Steph. Unde ςτηριεὺς …   Hofmann J. Lexicon universale

  • Στυρία — (Stiria). Ομόσπονδη επαρχία της Αυστρίας (Εκταση 16.387 τ. χλμ., 1.180.364 κάτ.). Πρωτεύουσα είναι η πόλη Γκαρτς με πληθυσμό 243.166 κατ. Εξαιτίας της αφθονίας πρώτων υλών, η περιοχή είναι κυρίως βιομηχανική. Στην αρχαιότητα η Σ. κατοικούνταν από …   Dictionary of Greek

  • The King of the Golden River — infobox Book | name = The King of the Golden River title orig = translator = author = John Ruskin cover artist = country = United Kingdom language = English series = genre = Fairy tales, Fantasy, Novel publisher = Smith, Elder Co. (1851) release… …   Wikipedia

  • Norische Alpen — p1f1 Norische Alpen (Alpi Noriche/Alpes noriques) Höchster Gipfel Großglockner (3.798 m ü. A.) Lage Österreich …   Deutsch Wikipedia

  • Paolo Santonino — (Paulus Santoninus/Sanctoninus/de Sanctoninis, * in Stroncone im südlichen Umbrien; † 1507) war ein italienischer Jurist des 15. Jahrhunderts. Inhaltsverzeichnis 1 Leben und Persönlichkeit 2 Santoninos sogenannte Reisetagebücher 2.1 …   Deutsch Wikipedia

  • Reisetagebücher des Paolo Sanonino — Paolo Santonino (Paulus Santoninus/Sanctoninus/de Sanctoninis, * in Stroncone im südlichen Umbrien; † 1507) war ein italienischer Jurist des 15. Jahrhunderts. Inhaltsverzeichnis 1 Leben und Persönlichkeit 2 Santoninos sogenannte Reisetagebücher 2 …   Deutsch Wikipedia

  • Santonino — Paolo Santonino (Paulus Santoninus/Sanctoninus/de Sanctoninis, * in Stroncone im südlichen Umbrien; † 1507) war ein italienischer Jurist des 15. Jahrhunderts. Inhaltsverzeichnis 1 Leben und Persönlichkeit 2 Santoninos sogenannte Reisetagebücher 2 …   Deutsch Wikipedia

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.